INSULEUR’s position on the proposed rise in taxes for aviation and maritime fuel

Waqt l-Assemblea Ġenerali ta' INSULEUR li saret fit-30 ta' Novembru 2022, f'Expomeloneras f'Gran Canaria, Maspalomas, l-Assemblea adottat...pożizzjoni dwar iż-żieda proposta fit-taxxi għall-fjuwil tal-avjazzjoni u dak marittimu.

Filwaqt li tibqa' impenjata bis-sħiħ għall-objettivi tal-Patt Ekoloġiku tal-UE, INSULEUR tikkunsidra li ż-żieda fl-ispejjeż tat-trasport li tirriżulta mir-reviżjoni tal-ETD se jkollha impatt ogħla u sproporzjonat fuq iċ-ċittadini u n-negozji li jinsabu fil-gżejjer tal-UE, b'impatt negattiv fuq il-koeżjoni ekonomika u soċjali fl-UE. Għalhekk, INSULEUR tappella għat-tħassir tal-Artikoli 14 u 15 mir-reviżjoni tad-Direttiva dwar it-Taxxa fuq l-Enerġija u biex tinżamm l-eżenzjoni attwali tat-tassazzjoni fuq l-użu tal-fjuwil tal-pitrolju għas-settur tal-avjazzjoni, u ż-żejt tqil tal-fjuwil għas-setturi marittimi.

Barra minn hekk, INSULEUR tappella għal aktar inċentivi għat-trasportaturi bl-ajru u marittimi biex jaqilbu lejn teknoloġiji u fjuwils aktar sostenibbli. L-impożizzjoni ta’ taxxa timplika żieda ulterjuri fil-prezzijiet iżda mhux neċessarjament tgħin fil-bidla lejn l-għanijiet stabbiliti ta’ dekarbonizzazzjoni. Madankollu, li jkun hemm data stabbilita sa meta din il-bidla trid isseħħ, u l-monitoraġġ kostanti tas-setturi rispettivi biex jiġi żgurat li l-bidla tista’ sseħħ skont l-iżviluppi teknoloġiċi u l-provvista adegwata ta’ fjuwils sostenibbli, għandha tkun it-triq indikata ’l quddiem. Minħabba l-importanza ta’ dawn is-setturi, irid jiġi żgurat ukoll li fondi importanti tal-UE relatati mar-riċerka u l-innovazzjoni (bħal fil-każ tal-fondi tal-Orizzont 2020) ikunu ddedikati għal dawn is-setturi.